"ОЛОН УЛСЫН ОЙН ӨДРИЙН МЭНД ХҮРГЭЕ"
НҮБ-ын Ерөнхий Ассамблейн 2012 оны 11 сарын 28-ны өдрийн тогтоолоор жил бүрийн 3-р сарын 21-ний өдрийг "Дэлхийн ойн өдөр" болгон тэмдэглэдэг болсон. 2025 оны энэ өдрийг “Ой ба хүнс” сэдвийн хүрээнд тэмдэглэх юм.
Дэлхийн хуурай газрын 3-ны нэгийг эзлэх ой нь нийт ургамал, амьтан, шавж хорхойн төрөл зүйлийн амьд организмын 80 гаруй хувийнх нь амьдрах орчин болдог амин чухал үүрэгтэй экосистемийн нэг юм.
Ой мод нь дэлхийн дулаарлаас биднийг хамгаалж, агаарт байгаа хорт хийг шингээн авдаг. Ингэснээр ой мод дэлхийн уур амьсгалыг зөөлрүүлэхэд чухал үүргийг гүйцэтгэнэ. Их хэмжээний ой мод устаж үгүй болсноор байгалийн гамшиг, ган гачиг, уур амьсгалын өөрчлөлт үүсэх нь гарцаагүй. Тиймээс хүн төрөлхтөн бид ойг хамгаалах, эрүүл байлгах ёстой. Эрүүл ойд олон төрөл зүйлийн ургамал, амьтан байдаг. Энэхүү биологийн олон янз байдал нь ч мөн хүмүүсийн эрүүл мэндийг хамгаалж байдаг билээ.
Хүн төрөлхтөн бидний амьдралыг тэтгэгч ой модоо хайрлая, хамгаалъя!
