Өнөөдөр Байгалийн түүхийн музей "Далай тэнгисийн сээрнуруугүйтэн" сэдэвт түр үзэсгэлэнгийн нээлтээ хийлээ.

БНСУ-ын Чанжу хотын Байгалийн түүхийн музейтэй хамтын ажиллагааны хүрээнд Байгалийн түүхийн музейд 500 гаруй далай тэнгисийн сээрнуруугүйтэн амьтдын цуглуулгыг музейд бэлэглэсэн нь өдгөө Далайн амьтдын сан хөмрөгт хадгалагдаж байна.

Энэ удаа онц сонирхолтой 357 ширхэг цуглуулгаар “Соёлын Бүтээлч сар 2024” аяны хүрээнд “ДАЛАЙ ТЭНГИСИЙН СЭЭРНУРУУГҮЙТЭН” сэдэвт тусгай үзэсгэлэнг 11 дүгээр сарын 12-30-ны өдрүүдэд Байгалийн түүхийн музейн түр үзэсгэлэнгийн танхимд олны хүртээл болгож байна.

Үзэсгэлэнгийн нээлтийн үеэр далай тэнгисийн эрэг орчмын дун, хясааны тухай танин мэдэхүйн лекц, боловсролын хөтөлбөр хэрэгжиж 50-р сургуулийн I, III ангийн нийт 100 гаруй сурагч хамрагдлаа.