Тус музейн хоёр нутагтан, мөлхөгч ба загасны сан хөмрөг нь 1956 онд Улсын төв музейн Байгалийн тасгийн ажилтан Р.Ринчений цуглуулсан Монгол бах (Strauchbufo raddei Strauch, 1876 )-аар эхлэл нь тавигдаж байсан бол өдгөө Монгол болон гадаад орноос цуглуулагдсан 380 гаруй цуглуулгаар баяжигдсан байна. Байгалийн түүхийн музейн сан хөмрөгт хадгалагдаж буй хоёр нутагтан, мөлхөгч, загасны олон янз байдлыг илэрхийлэх цуглуулгыг олон нийтэд сурталчлан таниулах, биологийн олон янз байдлыг хадгалан, хамгаалахад мэдлэг мэдээлэл өгөх зорилгоор цуглуулгын шинжлэх ухааны товч тодорхойлолтыг (монгол, англи хэлээр), тэдгээрийн гэрэл зураг, гар зургаар баяжуулан хүргэж байгаагаараа онцлог болж уншигч, сонирхогчдын хүртээл болоход бэлэн боллоо.