Улс орон даяар гурав дахь жилдээ амжилттай зохион байгуулагдаж буй Соёлын бүтээлч сар аян нь МОНГОЛ БАХАРХАЛ уриан дор болж байна.
Соёлын салбарт 2024-2025 онд доктор (Ph.D)-ын зэрэг амжилттай хамгаалсан СУСХ-ийн эрдэм шинжилгээний ахлах ажилтан доктор (Ph.D) С.Энхнаран, ЧХҮМ менежер доктор (Ph.D), Д.Эрдмаа, ССАЖЗЯ-ны Бодлого, төлөвлөлтийн газрын Соёлын өвийн бодлого, төлөвлөлт, тайлагналт, судалгаа хариуцсан шинжээч доктор (Ph.D) Ч.Нацагням нар шинэлэг санаа, бодит туршлага, ирээдүйн чиг хандлагын талаарх илтгэл хэлэлцүүллээ.
Судлаачдын хөдөлмөр, эрэл хайгуул нь зөвхөн академик хүрээнд хязгаарлагдахгүй, нийгмийн хөгжил, залуу үеийн боловсрол, салбар хоорондын хамтын ажиллагаанд үнэтэй хувь нэмэр оруулдгийг бид бахархалтайгаар онцолж байна.
Соёлын салбараас төрөн гарсан шинэхэн докторуудын судалгааны ажлын онцлогийг харуулсан музейн түүх, музей судлалын онол, музейн үзмэрт суурилсан боловсролын хөтөлбөрийн агуулгыг хэрхэн гаргах хийгээд соёл иргэншил дэх аюул заналхийлэл, соёлын ондоошлын талаарх арвин мэдлэгээ хуваалцсан эрхэм судлаачиддаа цаашдынх нь судалгааны ажилд өндөр амжилт хүсье.
