БАЙГАЛИЙН ТҮҮХИЙН МУЗЕЙН “ШИНЭ БҮТЭЭН БАЙГУУЛАЛТ” ҮРГЭЛЖИЛЖ БАЙНА
2013 онд Мэргэжлийн хяналтын ерөнхий газраас Байгалийн түүхийн музейн барилгад хийсэн шалгалтын дүгнэлтээр “барилга ослын байдалтай, цаашид ашиглах боломжгүй” гэж үзсэн тул тухайн үеийн Соёл, спорт, аялал жуулчлалын сайдын тушаалаар музейн үйл ажиллагааг зогсоож байв.
Улмаар 2019 оны 5 дугаар сарын 1-нд Засгийн газрын шийдвэрээр Байгалийн түүхийн музейн шинэ барилгын бүтээн байгуулалт эхэлсэн бөгөөд өнөөдөр (2025 оны байдлаар) ажил төлөвлөгөөний дагуу үргэлжилж байна.
2026 оны 8 дугаар сард С блок буюу палеонтологийн танхимыг нээн ашиглалтад оруулахаар ажиллаж байгаа нь олон нийтийн хүсэн хүлээсэн үйл явдал юм.
Шинэ Байгалийн шинжлэх ухааны үндэсний хэмжээний музей ашиглалтад орсноор:
• Дэлхийн жишигт нийцсэн,
• Ази тивд 7-д эрэмбэлэгдэх,
• Байгалийн шинжлэх ухаан, түүх, соёлын үнэт өвийг хадгалсан,
• Эрдэм шинжилгээ, судалгааны нэгдсэн томоохон цогцолбор болон өргөжих юм.
Ингэснээр хүүхэд, залуус, эрдэмтэн судлаачид, олон нийт байгаль, түүх, экологийн гайхамшгийг шинжлэх ухааны үндэслэлтэйгээр судлан мэдэж, танин мэдэхүйн боловсролоо дээшлүүлэх өргөн боломж нээгдэх болно.
